俊俊幾個月大時，媽媽已經覺得佢同其他小朋友唔一樣，無論點樣同佢互動，佢都冇乜反應。俊俊今年已經4歲，每日最鍾意做嘅事就係將積木疊起，推跌後再疊過，重複再重複。佢仲會舐自己手背，然後望著上面嘅口水發呆。佢唔會講嘢，更加唔會同其他小朋友玩。

{adv here}

好多人會認為，俊俊之所以有咁嘅表現係因為性格內向，但事實並非如此。兒科醫生指出，其實俊俊嘅表現係自閉症嘅典型癥狀。自閉症屬於先天性疾病，患者會喺社交能力、認知同交流等多方面存在障礙。

自閉症嘅患病率佔全球兒童人口嘅0.02%—0.05%。一般而言，自閉症早於嬰兒階段已經會出現癥狀，但由於好多家長都欠缺經驗，往往難以識別。

自閉症的主要特徵

1) 自閉症最核心嘅表現就係同家人唔親密。例如餵奶時，寶寶同媽媽之間冇眼神交流；伸手抱寶寶時，佢冇意識去伸手迎接，身體唔會靠近抱佢嘅人，亦都唔會對照顧者微笑。

2) 缺乏正常嘅情感反應，有明顯嘅社交障礙。佢哋對其他人嘅痛苦無動於衷，遇到困難時唔會主動尋求協助，唔會通過眼神交流來表達感情同要求；跌倒後唔怕痛，對鮮艷顏色或者玩具冇反應；唔會依戀父母，唔怕陌生人；唔鍾意同其他小朋友一齊玩，就算一齊玩，玩嘅方式都會好奇怪。

{adv here}

3) 一般而言，自閉症患者會出現語言發育遲緩，而識講嘢嘅小朋友就會好似鸚鵡咁模仿其他人。佢哋唔識用手勢表達自己，例如揮手表示 “再見”，有啲小朋友經常會將代詞用錯，例如將 “我要” 講成 “你要”，將自己稱為 “佢” 等。

4) 好多患有自閉症嘅小朋友都會經常重複做同一件事，例如重複將玩具排成一行。佢哋會拒絕接受變化，例如堅持將某啲物件放喺相同位置，一旦位置有變就會變得異常不安。

5) 對某啲奇怪物件產生依戀，可能係一隻杯、一塊石頭，去到邊都要帶喺身。正常小朋友聽到好聽或者恐怖嘅聲音後都會有反應，但自閉症患者就唔會。除此之外，佢哋對單車輪、風扇等會旋轉嘅物件特別感興趣，會對住呢啲物件莫名其妙咁發笑。

資料來源：阿波羅新聞網