喺香港，兒童受性侵嘅普遍程度實在令人髮止，根據社會福利署喺2017年報告中提到，喺上半年所呈報嘅虐兒個案中，有接近3成係性侵個案。護苗基金總幹事譚紫茵表示，有部分性侵個案都冇報警處理，原因係8成以上嘅侵犯者同受害人都係認識，甚至係近親關係。而護苗基金近年發現有一成嘅兒童性侵案件入面，侵犯者係外藉傭工。
{adv here}
{adv here}
兒童年幼時受到性侵，對佢哋日後嘅成長會造成極大影響，如果兒童得唔到有效嘅救助，受害人會好容易患上嚴重嘅心理病，精神病或者人格障礙。
以下5點可以預防小朋友被性侵：
1. 喺小朋友2至3歲就要開始主動教佢哋認識自己嘅身體，包括性器官。如果家長覺得尷尬或者擔心小朋友理解唔到，可以用暱稱或者別稱，但係最好都係用返正式名稱。
2. 家長要教小朋友性器官係私隱，其他人唔可以望或者掂呢啲部位，小朋友都要學習尊重其他人嘅私隱。
3. 建立小朋友同父母之間係冇秘密嘅觀念，令小朋友習慣咩都同父母講，無論係好事定係壞事。
{adv here}
4. 當唔熟嘅親人或者朋友要送禮物或者玩具俾小朋友，或者主動要帶小朋友出去玩嘅人，要特別小心。
5. 當小朋友具有一定嘅理解能力，爸媽就要做好準備，營造適合嘅環境同埋氣氛嚟開始進行性教育，一開始嘅時候可以用一啲新聞嚟討論安全問題。另外，家長要明確咁同小朋友講，如果有人主動同你傾有關性嘅事情，一定要話畀爸爸媽媽知。
資料來源：壹讀
