孕婦容易水腫，眼睛都會受到影響，從而導致視網膜水腫，所以醫生一般都唔太建議準媽媽配戴隱形眼鏡。專家建議孕婦畀眼睛休息多啲，少食重口味或太鹹嘅食物，有助減輕水腫嘅情況。
{adv here}
此外，因為懷孕時角膜會變厚，淚液分泌會減少，太長時間配戴隱形眼鏡，會令眼球缺氧，導致「鏡片過緊症候群」，喺眼睛黑白交接位置會有血管增生，衍生出「眼球血管增生症」，嚴重者會影響視力。如果一定要戴，就要縮短配戴時間，一日唔可以超過8小時。到咗孕期最後3個月，最好戴返普通眼鏡。
要注意加強清潔，或者使用拋棄式隱形眼鏡，因為角膜嘅敏感度會降低，隱形眼鏡鏡片上嘅沉澱物一旦增加或者冇清潔好，好容易因為眼角膜有輕微破皮而受感染，會有眼角膜潰瘍嘅危險。
{adv here}
哪種隱形眼鏡適合準媽媽？
日拋式、月拋式隱形眼鏡比較冇咁容易產生沉澱物，透氣度亦比一般年拋、半年拋高，令眼鏡冇咁易乾，尤其係本身眼睛易乾或者有血絲嘅人，最好使用透氧度高嘅隱形眼鏡。
接近生產時不要戴隱形眼鏡
接近預產期隨時有入院待產嘅可能，而生產時絕對唔可以戴隱形眼鏡，因為生產時身體會處於極度用力繃緊嘅狀態，隱形眼鏡容易產生破裂，從而傷到眼球、角膜表面。
產後約6～8周可恢復配戴隱形眼鏡
生產後角膜、晶狀體等嘅狀況都需要時間復原，產婦應該多啲休息，大約產後6～8周（最好3個月），眼睛大致上可以恢復到原來嘅狀況，經眼科醫生檢查度數後，就可以繼續配戴隱形眼鏡。但建議啱啱開始配戴嘅時間不宜太長，要畀眼球慢慢適應。
資料來源：壹讀
