大閘蟹本身係一種有滋補價值嘅食品，但有關孕婦誤食大閘蟹而導致流產嘅事件時有聽聞，令唔少孕婦聞蟹色變，到底孕婦可唔可以食大閘蟹呢？呢個問題到目前為止仍然存在爭議。
從西醫角度分析，蟹係高蛋白食物，仲係優質蛋白，對身體並無害處。從中醫觀點來講，產前不宜熱，產後不宜涼，產前食用涼性食物如大閘蟹，並非孕婦禁忌，但對於懷孕初期嘅女性會造成出血、流產。尤其係蟹鉗，有明顯嘅墮胎作用。
{adv here}
孕婦食蟹需要注意以下幾點：
1) 懷孕初期不可食用
懷孕初期寶寶各方面嘅發育都未完善，有可能影響寶寶神經系統發育。
2) 要控制份量
懷孕中期同後期，孕媽媽們可以進食適量嘅蟹，但一定唔可以過量。
3) 必須是新鮮蟹
儘量選擇大隻、四肢強健、活動能力強嘅蟹，千祈唔好貪平而買死蟹。死蟹因為蛋白質分解，細菌繁殖迅速，進食後對健康會有影響。
4) 必須熟透
煮蟹時一定要煮到熟透，用高溫對蟹進行消毒，寧願煮到過熟，都唔可以食生蟹或者半生熟嘅蟹。
{adv here}
5) 食蟹不要配茶
茶同蟹屬於相剋嘅食物，同時食用會增加腸道負擔，從而引起腹瀉。最好食完蟹一小時後先飲茶。
6) 不能吃蟹鉗
蟹鉗對懷孕初期嘅準媽媽有明顯嘅墮胎作用，對於懷孕中期同後期嘅婦女都有一定嘅影響。
資料來源：健康幫幫忙
