相信每個湊過寶寶嘅媽媽都會遇過一個情況，飲完奶之後或者無緣無故寶寶都會打嗝，仲打極都唔停，試過畀熱水佢飲同拍背脊都冇用，究竟係咩原因呢？
{adv here}
寶寶打嗝離唔開三個原因，首先就係食得太快。餵寶寶食奶時速度過快或者寶寶因為太餓而自己食得很快，然後吸入大量的空氣就會引起打嗝了。第二個就係過分緊張，其實當寶寶處於過分緊張嘅狀態下會對氧氣嘅需求增加，血管中嘅含氧量會降低，當身體接收到缺氧嘅訊息，就會透過打嗝嘅方式來吸入更多氧氣。第三個原因就係寶寶食奶時，媽媽覺得寶寶姿勢唔正確而不停轉換姿勢，將寶寶翻來翻去都會導致寶寶不停打嗝。
{adv here}
如果寶寶一直打嗝，應該點解決呢？除咗要注意飲完奶之後幫寶寶掃風，亦都可以透過輕輕按摩寶寶腹部幫助佢將空氣排出。另一個方法就係將寶寶抱起，用手輕輕刺激寶寶嘅腳板底，令寶寶哭起來，打嗝就會隨即停止。仲有一個好有趣嘅方法，就係將寶寶抱起，然後用食指喺寶寶嘅嘴邊或者耳邊輕輕撓佢，撓到寶寶發出哭聲後打嗝就會消失，原理係因為耳邊嘴邊嘅神經比較敏感，如果對呢兩個部位進行撫摸刺激嘅話，會令寶寶處於放鬆狀態，就會停止打嗝。
媽媽餵奶嘅時候要注意，姿勢尤其重要，進食嘅時候要避免太急、太快、太凍、太熱，都會容易引發寶寶打嗝或者其他不良反應。
資料來源：每日頭條
