寶寶對牛奶蛋白敏感係一種好常見嘅現象，尤其係1歲以內嘅寶寶。患者進食牛奶蛋白後會立即出現徵狀，例如濕疹、紅腫、腹瀉、嘔吐，甚至大便有血等。如果寶寶對牛奶蛋白敏感，媽媽應該點做呢？

{adv here}

母乳餵哺

雖然嬰兒唔會對母乳敏感，但媽媽媽飲食中嘅致敏物質可以透過母乳傳畀寶寶。所以，母乳媽媽唔可以飲牛奶，亦都要避免進食乳製品，但要注意補充鈣質，以免缺鈣。

配方奶餵哺

建議選擇深層水解蛋白配方奶，因為呢種奶粉通過特殊程序將過敏性大分子乳蛋白切成小塊而直接被人體吸收，唔會誘發任何異常免疫反應，可以有效預防牛奶敏感。另一個選擇係氨基酸配方奶粉，呢種奶粉嘅分解程度更大，所有蛋白質已被水解成小分子嘅氨基酸。

{adv here}

寶寶對牛奶敏感，可以飲羊奶粉嗎？

市面上嘅羊奶配方奶粉主要由山羊奶所製成，亦都有少部分係綿羊奶。其實大部分對牛奶蛋白敏感嘅寶寶，對於羊奶都會出現過敏現象，因為綿羊、山羊同奶牛之間有相似嘅奶蛋白。外國有研究顯示，牛奶、綿羊奶同山羊奶之間存在廣泛嘅交叉反應。一般而言，對牛奶敏感嘅寶寶，有70%會出現對羊奶敏感。所以，羊奶並唔係一個代替牛奶嘅好選擇。

資料來源： Q博士