到咗冬天，天氣開始變凍同埋好乾燥，有啲寶寶嘅面珠會變紅，有啲會嘴唇乾裂，媽媽睇到都心痛，喺呢個時候各位媽媽可以點做呢？以下就同大家分享一啲簡單方法，可以令寶寶嘅皮膚好似夏天咁水嫩。
{adv here}
{adv here}
防止手臉乾裂
小朋友嘅皮膚含水量較高，特別係3歲以下嘅寶寶，每年冬季如果唔好好咁保護佢哋嘅皮膚，就會容易缺水、乾燥、起皺、甩皮、泛紅，特別係面部同埋手背。
1. 每次幫寶寶洗完手或者面之後，一定要記得幫寶寶搽潤膚油或者潤膚霜。寶寶如果成日流口水，會導致嘴唇周圍嘅皮膚泛紅，喺搽潤膚油之前，要先抺乾口水。
2. 幫寶寶沖涼唔可以太密，水唔可以太熱，要用專用嘅沐浴液或者只用清水。沖完涼之後記得搽保濕用品。
3. 畀寶寶食多啲含豐富維他命A嘅食物，例如雞蛋、魚肝油、黃豆、花生等等，因為人體缺乏維他命A嘅時候，皮膚會變得乾燥。
{adv here}
防止嘴唇乾裂
喺冬天，寶寶嘅嘴唇特別容易變乾，甚至甩皮。同其他部位嘅皮膚唔同，嘴唇冇汗腺同埋油脂分泌，寶寶又鍾意舔嘴唇，咁做唔單止唔可以濕潤嘴唇，反而會加速唇部嘅水分蒸發，令到雙唇更加乾。
1. 畀多啲水寶寶飲，幫佢哋嘅嘴唇提供足夠嘅水分。如果寶寶唔肯飲水，可以嘗試用造型可愛嘅水杯吸引寶寶。
2. 市面上有好多唔同類型嘅潤唇膏，建議用含有維他命E滋潤成分嘅兒童潤唇膏，有媽媽推介，畀寶寶食魚肝油嘅時候可以搽少少喺寶寶嘴唇或者用茶油，效果都唔錯。
3. 如果寶寶嘅嘴唇乾燥，亦開始出現甩皮嘅情況，可以喺寶寶瞓覺之前幫佢搽潤唇膏，最好含有金錢草同埋甘菊嘅成份，因為呢兩種成份對於舒緩嘴唇乾裂嘅情況非常有效。
另外，大人用嘅清潔護理用品或者含有刺激成分嘅用品都會成為傷害寶寶皮膚嘅「元兇」。所以，幫你嘅寶寶選購嬰幼兒專用，冇任何化學添加嘅洗護用品，係保護寶寶肌膚嘅關鍵。
資料來源：雪花新聞
