有好多臨床研究都證實夜晚磨牙係因為情緒同埋壓力影響，有好多父母都覺得困擾：點解小朋友都會磨牙呢？小朋友仲咁細個，點會有壓力？究竟需唔需要特別治療？
{adv here}
{adv here}
其實，6歲以下小朋友磨牙嘅情況好普遍。原因可以分兩方面嚟解釋，第一點係因為嬰幼兒嘅神經系統喺4歲左右先會慢慢成熟，喺神經系統仲未發育成熟之前，因為仲未穩定，好容易影響佢哋嘅睡眠，所以就出現磨牙嘅狀況。
第二點就係小朋友乳齒嘅咬合面，為咗配合發育，佢哋嘅乳齒好似洗衣板咁平但係都有刻紋，只要輕輕碰撞就容易有聲，因為佢哋嘅臉部肌肉仲未發達，所以磨牙嘅力道其實好小。
磨牙係會造成琺瑯質磨損，但係就算小朋友嘅乳齒有磨損，換牙嘅時候仲有第二次機會；同埋目前處理磨牙問題嘅方法唔適合用喺小朋友身上，就好似中樞神經抑制劑嘅藥物會干擾腦部發育，有啲小朋友配合唔到喺瞓覺嘅時候戴牙套，或者因為戴咗牙套而令到佢哋瞓唔到覺，所以建議家長先觀察，等小朋友出恆齒再處理。
可能有啲家長都好擔心，小朋友成日咁樣磨牙對顳顎關節會唔會有傷害？
我哋嘅顳顎關節一開始就係平，隨住牙齒嘅發育同埋不斷嘅咬合動作，先會逐漸形成關節窩；喺青春期之前，下巴嘅顳顎關節仲會快速生長，關節生長修補嘅速度比磨牙破壞嘅速度仲快，所以唔洗擔心關節會受傷呢個問題。
{adv here}
所以建議家長，等到小朋友15歲之後，牙齒發育差唔多完成而且穩定，佢哋如果仍然有磨牙嘅情況，先考慮睇牙醫。
但係要注意一點，有顳顎關節問題嘅小朋友喺夜晚磨牙可能會惡化，如果佢哋喺起身嘅時候連開口都有困難就要即刻去睇醫生。
資料來源：康健雜誌
