小朋友 3歲後可以開始考慮同父母分房瞓，5歲左右就最適合，超過6歲就太遲。當然，具體情況因人而異，要視乎小朋友嘅心理年齡、膽量、獨立性、對父母嘅依戀程度以及家庭嘅具體環境等因素。
{adv here}
3歲前分房睡 會損害孩子安全感
小朋友3歲前就同父母分房瞓會令佢缺乏安全感。小朋友會認為同媽媽已經分離，甚至覺得被媽媽拋棄，從而傷害到心靈。對於未夠3歲嘅小朋友，由於未有獨立生存嘅能力，冇咗媽媽係一件非常恐怖嘅事，小朋友長大後可能會缺乏自信同安全感、疑心重、亦無法信任其他人。
點解好多小朋友3歲前，都會有一件特別鍾情嘅物件？例如毛公仔或者毛巾仔，每晚瞓覺時都一定要攬住？因為呢個年齡嘅小朋友，腦海裡面仲未形成一個完整嘅母親形象，小朋友嘅潛意識，會當咗呢件物件係母親嘅象徵，攬住佢瞓，就可以確保媽媽唔會離開。所以，父母唔應該同3歲以下嘅小朋友分房瞓。
{adv here}
為什麼5歲左右分房睡最適合？
4~6歲係性蕾期，小朋友喺5歲左右，開始意識到男女之間嘅性差異，所以，呢個時候家長同小朋友分房瞓，可以畀空間佢哋形成獨立嘅人格。
相反，如果 6歲後都未分房睡，女孩子長大後可能會唔敢熄燈、怕黑、依賴性強、抗拒參加團體活動，男孩子後果就更嚴重，可能會產生「戀母情意結」，遇到咩事都「問我阿媽」，好難培養出獨立人格！
資料來源：CMoney
