父母最大嘅“贏”，就係教識小朋友點樣面對“輸”。相信大家都有留意到，小朋友因為成績未如理想而尋死嘅悲劇時有發生。其實，每個父母都應該明白：喺生命面前，成績變得微不足道。輸得起，你就贏咗。
{adv here}
1) 小朋友輸不起，緣於家長輸不起
好多家長只想小朋友“贏在起跑線”，為咗畀小朋友入讀名校，不惜一切咁投放資源：天價名校網單位、昂貴補習班、放棄工作陪讀等。有啲家長會將小朋友當作自己嘅私有物品，佢哋嘅成功就係家長用嚟炫耀嘅本錢。生活本來就冇分輸贏，一旦你有咗好勝心，你就係輸家。贏未必可喜，輸未必可悲，勝負並唔重要，最重要係識得企返起身。
2) 輸了成績不代表輸了人生
心理學有一個有趣嘅發現，叫做“十一名現象”，意思係長大後有成就嘅人，並唔係班上嘅前十名，而係第十一名到廿名。科學家霍金，讀書時嘅成績從來未入過前10名，學習能力差，令老師無奈，被同學嘲笑。結果佢成為咗一位天才級物理學家，因為佢當時係佢冇為咗自己成績唔理想而自暴自棄。輸咗成績，並不代表輸咗人生，唔怕輸，先有機會贏。
3) 小時候輸不起，長大後贏不了
從兒童心理學嘅角度來睇，小朋友“輸唔起”係一種正常現象，適度嘅好勝心可以激勵小朋友變得更優秀，但過份好勝就有害無益，有可能導致嚴重嘅心理問題，扭曲小朋友嘅人格同品行。
好多多才多藝，品學兼優嘅少年，因為一次考試失準而變得鬱鬱寡歡，甚至放棄生命，真係令人唏噓。
想贏，係成功者嘅特質；而輸唔起，就係失敗者嘅通病。從小就輸唔起嘅小朋友，長大後容易無法適應錯綜複雜嘅社會而變得苦不堪言。
{adv here}
4) 要贏，先要學會面對輸
父母冇可能永遠守護著小朋友，唯一可以做嘅，就係引導佢哋正確看待 “輸”：
a) 給小朋友體驗失敗的機會
過份保護小朋友，令佢哋冇機會經歷失敗係百害而無一利。當失敗再次發生，一旦父母唔喺身邊，小朋友就會覺得難以理解甚至難以接受。
b) 父母在小朋友面前學會輸
話畀小朋友知自己嘅失敗經歷、解決辦法等，言傳身教令小朋友明白輸咗唔緊要，最重要係企得返起身。
c) 不用模糊語言讚揚小朋友
好多家長都會將「好叻呀」、「你好聰明呀」掛喺口邊，令小朋友自我感覺良好。一旦小朋友犯錯被家長批評，佢哋會覺得：「啱啱先讚我叻，轉個頭又話我冇用…」所以父母讚小朋友時要使用清晰嘅語言，令小朋友明白父母嘅評價係針對某一個行為，而唔係對人。
資料來源：阿波羅新聞網
