咬指甲係幼兒時期常見嘅壞習慣。如果爸爸媽媽唔諗辦法制止同埋糾正呢個行為，就會好容易令寶寶出現灰甲或者甲溝炎(指甲同周圍甲溝之間因傷口令病菌同埋刺激物質滲入而導致發炎) 等疾病，亦有可能導致口腔或牙齒感染，嚴重嘅話會引發消化道傳染病，例如細菌性痢疾等，所以父母們一定要重視。其實導致寶寶鍾意咬指甲嘅原因多數都係以下幾個。
{adv here}
{adv here}
1. 吸吮慾望仲未完全滿足
寶寶通常喺1歲半之前都鍾意用口唇吸吮、咀嚼同埋吞咽嚟獲得愉快嘅體驗，但係如果寶寶吸吮嘅慾望喺嗰個時期得唔到滿足，例如食奶成日都食唔飽，或者媽媽離開寶寶嘅時間太耐，咁佢哋咬手指呢個行為就會延續到2歲，甚至3歲以上。
2. 無聊變成壞習慣
有啲寶寶喺無聊、冇嘢做嘅時侯，會不自覺咁出現咬指甲嘅情況。啱啱開始嘅時候可能只係間中一個動作，但慢慢喺相同嘅情形下就會再重複做，變成咗一個壞習慣。
3. 受到情緒困擾
如果咬指甲嘅情況出現喺佢第一次去一個陌生嘅地方，或者唔熟悉嘅人問佢問題佢需要答嘅時候，可能寶寶嘅情緒就會好緊張，佢哋因為緊張而出現咬指甲嘅動作。
解決方法可以參考以下呢幾個：
1. 轉移注意力，鼓勵常小朋友進行其他活動，例如要用雙手操作嘅遊戲，好似黏土、玩沙、攀爬或切積木等。
{adv here}
2. 增加小朋友嘅活動量，6歲以下嘅兒童每日應該要有一小時嘅大肢體活動時間。
3. 增加小朋友嘅衝動控制能力，多啲玩同衝動控制相關嘅遊戲，例如麻鷹捉雞仔、紅綠燈等。
4. 主動關心小朋友嘅心理需要，令佢哋感受到愛同關懷，鼓勵佢哋多啲同其他小朋友玩。
5. 保持修剪同清潔指甲，鼓勵小朋友喺戶外玩完之後要洗手，包括指甲間嘅縫隙。
6. 令小朋友知道咬指甲會引起各種健康問題。
7. 給予正面嘅鼓勵，同小朋友講，知道咬指甲好難戒，但爸媽對你有信心你可以做得到。發現小朋友減少咬指甲時，要給予讚賞同獎勵。
資料來源：壹讀
