大家喺幼稚園門口經常會見到，好多小朋友放學見到媽媽就要求「抱抱」，喺呢個時候媽媽已經忙咗成日，加上喺心情不佳嘅情況下，都會拒絕小朋友嘅要求，就算小朋友大哭大鬧都會置之不理。雖然媽媽嘅做法可以理解，但係咁做其實會嚴重傷害小朋友嘅弱小心靈。
{adv here}
{adv here}
當小朋友開始認到父母同埋屋企人嘅時候，就會習慣叫佢哋「抱抱」，即使小朋友漸漸長大，呢個習慣都改變唔到。其實，小朋友要求父母抱唔係單單因為扭計，而係當小朋友被媽媽抱入懷嘅時候，先至可以徹底咁放鬆落來，感覺到安全感，同時亦都滿足到小朋友同父母嘅親情需求。小朋友由細到大習慣咗將父母對自己嘅「抱抱」當成對自己嘅愛，喺父母嘅懷抱入面，小朋友內心係最踏實幸福。
兒科專家都話：當小朋友被父母擁抱時，大腦會分泌穩定情緒嘅物質。所以就算父母再多嘅擁抱都唔會寵壞小朋友，反而會令佢哋喺成長路上心理更加健康同埋陽光，內心充滿住幸福感，情緒穩定，以積極向上嘅心態面對生活。相反，平時好少被父母擁抱嘅小朋友，或者係父母經常拒絕「抱抱」嘅小朋友，心理會缺乏安全感同埋幸福感，將來對小朋友嘅性格形成負面影響。
{adv here}
所以，媽媽唔需要再擔心成日抱小朋友會寵壞佢哋，就算小朋友到咗十幾歲，父母都可以不時送上溫暖嘅擁抱，對小朋友同家庭嘅幸福都好重要。更何況每個父母可以抱得起小朋友嘅時間都只係短短幾年，到小朋友大個咗想抱佢地都未必抱得到，要好好珍惜可以抱小朋友嘅日子，多抱自己嘅小朋友，令佢地感受到自己擁有幸福嘅愛！
資料來源：雪花新聞
