懷孕期間，胸部會發生變化，準媽媽一定要轉用孕婦適用嘅胸圍。隨著懷孕嘅時間越嚟越長，準媽媽嘅乳房會不停變大，增加1~2個罩杯絕對唔出奇，而乳房嘅重量都會增加大約400克，普通胸圍已經唔適合，長時間佩戴會壓迫乳腺同乳頭，嚴重嘅話可能會造成乳頭凹陷或者產後母乳分泌不順嘅情況。
{adv here}
如果準媽媽唔戴孕婦胸圍，會對胸部造成咩影響呢？
1) 乳房疼痛
懷孕時，乳房會從下半部往外擴張，增大嘅情況同普通胸圍比例唔同，所以如果喺懷孕期間佩戴唔合適嘅胸圍，就會對乳房造成擠壓、拉扯，從而引起乳房疼痛。
{adv here}
2) 產後容易無奶
使用過緊嘅胸圍會因為同皮膚磨擦而導致纖維織物進入乳管，可能會造成產後無奶或少奶。
3) 胸部變形
準媽媽佩戴太細嘅胸圍會產生副乳，太大則會造成胸部下垂，影響外觀。
資料來源：Q博士
