無痛分娩已經越來越普及，但佢並非十全十美，常用嘅硬膜外分娩鎮痛都會有一定嘅不良反應。常見不良反應包括血壓低、輕微頭痛、噁心等，但除非出現意外，否則唔會威脅到媽媽嘅性命，主要係對產程、胎盤血流有影響。
{adv here}
1) 硬膜外鎮痛對子宮收縮嘅影響，同用藥種類、藥物濃度以及用藥時間有關，只要掌握得好就可以糾正子宮收縮乏力嘅問題。
2) 硬膜外鎮痛對胎盤血流嘅影響主要係因為血壓低。現時嘅麻醉藥濃度較低，血壓低好少發生，所以對於胎盤血流嘅影響其實好少。
3) 硬膜外分娩鎮痛時，可能出現胎兒心率加快或減慢。
局部分娩鎮痛時，一旦出現任何胎盤血流下降、胎兒心率改變等情況，只要當機立斷，終止自然分娩，都仍然能夠保證母嬰平安。
但並非每個孕婦都適合採取無痛分娩，例如患有妊娠並發心臟病、藥物過敏、腰部有外傷史嘅產婦一般都唔可以選擇無痛分娩。另外，做無痛分娩之前要先評估胎兒狀況，如果胎兒有缺氧情況，肯定唔適合採取無痛分娩，或者宮腔內有感染，胎兒處於一個感染環境，都唔適合做無痛分娩。
{adv here}
打無痛分娩針的風險
麻醉師打針時，如果落針唔準確，有可能會導致細針誤穿硬脊膜同蛛網膜，產婦嘅腦脊液會流出，影響顱壓變化，仲會導致顱內細菌感染，有可能危及性命，事故率為1%。一旦發生呢種情況，產婦需要平卧72小時，並且每日進行靜脈輸液。
無痛分娩的好處
1) 醫學上最常用係硬膜外麻醉，麻醉藥嘅濃度大約相當於剖腹產嘅十分之一或更少，風險比剖腹產低。
2) 藥效持久，大約注入麻醉藥十分鐘後，產婦就感覺唔到子宮收縮嘅劇痛，只會感覺到類似經痛嘅輕微腰痛，直至分娩結束。
3) 當人體感到嚴重疼痛時，會釋放一種叫兒茶酚胺嘅物質，呢種物質會對產婦同胎兒不利，胎兒嘅血液同氧氣供應都有可能受到影響。所以，無痛分娩可以減少胎兒缺氧嘅危險。
資料來源：華人健康網
