近日有家長喺社交平台反映，早前訂咗一個立體蛋糕為小朋友慶祝生日，點知食蛋糕時竟發現深藍色忌廉嘅甩色情況嚴重，小朋友嘅嘴唇都染到變藍色，用水抹都抹唔甩，更可怕嘅係，小朋友只係食咗少量，就令佢排出藍色「便便」。家長驚見小朋友嘅「中毒」嘴唇同嚇人大便後，表示以後唔會再買有色素嘅蛋糕。
{adv here}
近年色彩繽紛，外表吸引嘅立體蛋糕大行其道。今時今日開生日會，要有一個搶眼吸睛嘅立體蛋糕先夠體面，有冇數過小朋友年中參加咗幾多個生日會？食咗幾多色素落肚？
人工合成色素中，有一種叫「多含苯環」嘅化學物質，由於使用劑量極低，一般情況下，唔會對健康構成影響。但如果小朋友攝入太多色素，就有機會危害健康。2007年英國有一項研究顯示，兒童攝取過量人工合成色素，專注力不足而過度活躍嘅情況有所增加。美國公益科學中心亦曾經提出一份報告，指人工色素不單止有機會致癌，亦會提高兒童患過度活躍症、出現過敏等問題嘅風險。
{adv here}
雖然到目前為止仲未有足夠證據證明，人工色素會引發過動、過敏等問題，但穩陣起見，挑選食物時應該儘量避免太鮮艷嘅顏色，減低對健康帶嚟嘅風險。
資料來源： 元氣網 ，蘋果日報
圖片來源：Facebook
