以前，第一胎剖腹產，第二胎就一定要繼續剖腹，但而家好多第一胎剖腹產嘅媽媽都想第二胎順產。究竟剖腹產後順產（Vaginal Birth After Cesarean, VBAC）有咩好處同風險？邊啲孕婦會適合VBAC呢？
{adv here}
為什麼要選擇 VBAC？
1) 順產比剖腹產更安全
剖腹產同順產比較，有出血多、盆腔臟器容易粘連、產後恢復慢等缺點。即使孕婦第一胎係剖腹產，子宮有疤痕，第二胎順產嘅風險，仍然比剖腹產嘅風險較低。第二次剖腹產，手術難度同風險都會比第一次剖腹產高好多。
2) 對於生第三胎更有利
如果孕婦打算生3個寶寶或更多，第二胎選擇 VBAC，好處會更加明顯。
VBAC 安全嗎？
1) 如果改剖腹產，風險略增加
選擇嘗試 VBAC 嘅產婦當中，大約有 75% 嘅人會成功，25% 嘅人會失敗，最終要改為剖腹產，可能會輕微增加再次剖腹產併發症嘅風險，例如受感染嘅風險。
2) 關於子宮破裂的風險
呢個係大多數人對於 VBAC 最擔心嘅問題。事實上，如果孕婦上一次嘅剖腹產切口係子宮下段橫切口（目前最常見嘅切口），咁順產過程中，子宮破裂嘅風險低過 1% 。
{adv here}
哪些人適合 VBAC？
1) 上次剖腹產的原因這次不存在
如果孕婦上次剖腹產係因為胎兒巨大、胎兒宮內窘迫、羊水少、羊水污染等問題，而今次懷孕並冇出現呢啲情況，咁孕婦就適合 VBAC 。
2) 上次剖腹產的切口種類
如果孕婦上一次嘅剖腹產切口係子宮下段橫切口，就適合 VBAC 。
3) 上次剖腹產的時間
如果孕婦今次生產距離上次剖腹產嘅時間較短，例如喺 18 個月內，咁 VBAC 導致子宮破裂嘅風險會增加。
4) 做過剖腹產的次數
如果孕婦曾經接受過 2 次或以上嘅剖腹產，有可能唔適合 VBAC。
5) 此次妊娠的胎兒數
如果今次係單胎或者雙胎（而且第一個係頭位）就適合 VBAC，其他情況嘅多胎妊娠就唔適合。
哪些人成功率會下降？
1) 胎兒過重
4kg以上就屬於「巨大胎兒」。所以，懷孕過程中，控制體重好重要。
2) 預產期後分娩
如果過咗預產期都未作動， VBAC 嘅成功率就會明顯下降。
3) 上一次剖腹產嘅特殊原因
如果上一次剖腹產嘅原因係頭位性難產或者宮頸性難產，VBAC嘅成功率亦都有可能下降。
資料來源：大時代
