隨住離婚率越嚟越高，有好多小朋友嘅生活入面都會冇咗媽媽或者爸爸，呢類小朋友因為缺乏關愛，容易出現心理問題。
1. 缺乏安全感，容易產生對立心理
因為單親小朋友長期缺乏父愛或者母愛，佢哋會排斥同異性相處，同埋會覺得大家有一日都要分離，與其面對分離嘅痛苦，不如將自己困喺一個人嘅世界入面。另外，跟住單方生活嘅小朋友，會對長期缺乏溝通嘅爸爸或者媽媽有對立心理，覺得係佢哋拋棄自己，會變到冇安全感。
{adv here}
{adv here}
2. 自卑心理，容易俾其他人恥笑
小朋友之間最鍾意就係比較，佢哋會炫耀父母買咗乜嘢俾自己，或者假期帶咗自己去邊度玩。但係如果生活喺單親家庭嘅話，同其他小朋友比較起上嚟就會產生自卑心理，好有可能成為其他小朋友嘅嘲笑對象。
3. 叛逆心理，容易鑽牛角尖
單親家庭嘅小朋友喺小朋友圈子入面嘅地位唔高，好容易就成為其他小朋友奚落同埋欺負嘅對象。其實佢哋都渴望俾人肯定，渴望俾人欣賞，所以佢哋會喺言行上刻意咁表現出與眾不同，有時甚至鍾意「對著幹，包頂頸」，顯示自己嘅存在價值。
{adv here}
4. 抑鬱心理，產生極端行為
單親家庭嘅小朋友會成日感到壓抑、鬱悶、煩躁，心理嘅困擾冇渠道舒解。因為父母嘅分離，會令到屋企嘅氣氛變得冷清，甚至有冷戰嘅情況，小朋友會成日都為父母嘅關係而擔憂，生活喺壓抑嘅空間入面，甚至小朋友會淪為出氣袋，成日處於恐懼同埋擔憂之中。咁樣嘅生活好容易會令到小朋友對父母產生恐懼同敵對嘅情緒，自我保護意識過強，同朋友保持距離。由於壓抑太耐，一旦爆發出嚟，負能量就會好大，好容易產生極端行為。如果係女仔就會出現無故痛哭或者離家出走，而男仔就會做出攻擊性嘅行為。
資料來源：iFuun
