由餵奶期開始就要維持胸型：
1. 要揀適合嘅哺乳胸圍：鼓勵各位媽媽由懷孕期開始著哺乳胸圍，唔好著運動胸圍或者唔啱身嘅胸圍，就算喺屋企湊小朋友都要著胸圍，如果冇胸圍嘅拉提效，胸部冇咗向上托支嘅力量，就會好容易造成胸部下垂。
{adv here}
{adv here}
2. 補充正確營養：有啲餵人奶嘅媽媽為咗可以快速恢復身形，日常飲食幾乎唔食含油脂嘅食物，但係身體製造人奶一定會消耗身體嘅能量，如果燃燒能量消耗到胸部嘅脂肪，就會影響到乳房嘅形狀，咁樣反而仲得不償失。
3. 多做乳房肌膚保養：乳房皮膚嘅緊實程度會影響胸型同埋胸部外觀，大部分餵人奶嘅媽媽剩係在乎胸部有冇喺餵奶後變鬆弛咗，甚至變成「布袋奶」，但係呢啲媽媽當中有一半以上喺餵人奶期間係完全冇做任何保養，其實想胸型靚一定要多啲做乳房肌膚保養。
4. 奶量應該要做到供需平衡：有部分餵人奶嘅媽媽喺餵人奶過程中，會令到胸型變化過大，舉個例，每次擠奶嘅奶量都有300c.c.以上，胸部每日經歷咁多次嘅脹大同縮小，會令到乳房嘅皮膚失去彈性。
專家建議各位媽媽，擠奶量維持「進可攻、退可守」嘅奶量係最好，意思即係話每次擠奶量大約比寶寶飲奶量多10%就得，最多唔可以超過20%。
{adv here}
離乳計畫
離乳應該先減量、再拖長時間。一開始，擠奶時間同原本嘅時間可以一樣，但係擠出嚟嘅奶量可以比原本奶量減少10%至15%，等到唔會塞奶，再慢慢減少份量，只要奶量已經減少到100c.c.以下就可以考慮拖長時間，然後再等到奶量已經降低到50c.c.以下，就可以試吓唔擠奶，一般嚟講等8個鐘或者以上，胸部通常都會脹奶，呢個時候將奶水輕輕擠出嚟就得，如果冇脹痛，可以局部冷敷一陣，令胸部舒緩，喺減奶嘅過程入面，只要胸部冇硬塊或者硬結嘅情況，就即係可以成功離乳。
資料來源：華人健康網
