爸媽們經常都會討論，如果兩個小朋友玩玩下突然鬧交，作為家長應唔應該走去勸交或者教訓小朋友呢？
首先要了解唔同年齡階段嘅小朋友之間點解會鬧交，之後家長就可以明確咁知道自己應唔應該介入，或者有策略咁引導小朋友去解決同伴之間嘅矛盾。
{adv here}
{adv here}
學行期同學齡前嘅小朋友（大約5、6歲之前）之間，關於「擁有權」（物品擁有權，領地擁有權 等等）嘅爭執會比較多，關於「社交行為」嘅爭執就比較少同簡單。呢個階段關於「社交行為」嘅爭吵話題主要圍繞「你一定要做」同埋「你唔可以迫我做」或者「你唔可以做」同埋「我就係要做」。研究發現，學齡前嘅小朋友，朋友之間嘅爭吵係非常短暫，92%嘅爭吵少於10個回合，66%嘅爭吵少於4個回合，所以家長完全唔需要緊張同在意。
學齡期兒童（大約6、7歲至11、12歲）之間關於「擁有權」嘅爭執會減少，關於「社交行為」嘅爭吵就會增加。小朋友可能會話「你好煩」或者「你根本冇當我係朋友」 等等。研究發現，學齡期兒童，朋友之間嘅摩擦會比較頻繁，平均每小時會發生3次矛盾，通常都唔會太過激烈，矛盾解決之後仲會繼續一齊玩，所以家長都唔需要太擔心。
{adv here}
青春期少男少女（大約11歲到16歲）之間嘅爭吵大部分都同人際關係有關，當中會涉及嫉妒、背叛 等等，爭吵嘅話題變得複雜，時間亦會持續好耐，關於情感傷害仲可能持續幾日甚至幾個月。當子女去到呢個階段，必要時家長可以畀多啲引導小朋友，幫助小朋友理解，朋友都分好多個層次，有啲比較親密，有啲就比較普通……一段友誼結束，又會有另一段友誼開始……等等。
小朋友之間嘅爭吵同埋矛盾，一般都可以用佢哋魆己嘅方式去解決，除非真係涉及到欺凌，否則大人冇必要直接介入，因為一旦矛盾牽涉到成人或者多個家庭，情況反而會變得更差。家長一般都冇辦法解決小朋友之間嘅衝突，但可以適當引導佢哋去化解矛盾。
資料來源：壹讀
