小朋友點解鐘意打小報告？
1. 心理發育特徵
打小報告係幼兒期心理發育同人際發展階段嘅正常現象，亦都係小朋友開始同人溝通同表達嘅一種方式。隨着年齡增長呢種現象就會開始減少甚至消失。
{adv here}
{adv here}
2. 吸引注意力
作為家長都會規範着小朋友嘅行為，例如要做一個有禮貌嘅小朋友，唔揀飲擇食等等。當其他小朋友達唔到呢啲要求時，為咗令到大人可以誇獎同表揚自己，或者證明自己比其他小朋友做得好，小朋友就會選擇打小報告嘅方式。
3. 原則同道德意識
有啲小朋友利益冇受到傷害但就好鍾意維持正義，如果見到其他人做出唔正確嘅行為，就會即刻講出嚟，希望大人對自己嘅判斷做出肯定。
當小朋友好興奮咁跑去你面前打小報告，你應該點做？
1. 認真傾聽，了解事實，理性處理
要認真聽小朋友講嘢，唔好打斷或者指責佢地，可以用提問嘅方式引導小朋友搞清楚事實嘅真相，仲可以根據當時情況採用唔同嘅處理方法。如果係有道理嘅小報告，就要給予肯定，令佢地培養正確嘅是非判斷力；如果係其他類型嘅小報告，就要同小朋友溝通，幫助佢哋建立正確嘅處事原則。
{adv here}
2. 鼓勵小朋友自己解決問題
當3歲以上嘅小朋友打小報告時，應該儘量鼓勵佢哋自己解決問題，如果唔係就會養成依賴心態，仲會令小朋友只留意其他人嘅缺點，忽略優點同搬弄是非等等嘅壞習慣。
3. 畀小朋友有足夠嘅陪伴同關懷
小朋友渴望得到注意，所以忙於工作嘅爸爸媽媽都應該安排好時間。重視小朋友發現嘅問題，如果用敷衍嘅態度就會導致問題唔可以及時解決，仲會混淆小朋友嘅是非觀，打擊小朋友嘅正義感，但都唔可以盲目支持小朋友。
資料來源：每日頭條
