子女係好需要父母嘅陪伴，尤其是兩歲以下嘅小朋友極度缺乏安全感，需要得到父母嘅愛。小朋友透過同父母玩耍可以學識點樣同人合作同埋溝通，充分感受到家庭溫暖。
{adv here}
{adv here}
為咗畀小朋友足夠嘅陪伴，有啲父母會等到子女瞓咗先至去做自己嘢、做家務，子女瞓醒就繼續圍住佢哋轉；有啲家庭除咗自己悉心照顧子女之外，仲會請父母嚟幫手，全家人都會將所有時間花係小朋友身上。
所以對於父母來講，陪伴子女真係一件非常勞累嘅事，搞到一啲私人時間都冇。
對於子女來講，無時無刻嘅陪伴又係咪好事？
喺呢個環境長大嘅小朋友習慣「要風得風，要雨得雨」，通常都會自我中心，唔理其他人感受。而且佢哋時時刻刻受到注視，缺乏獨立思考時間，自我發展空間受到限制。
所以陪伴其實唔在乎時間長短，而係在乎質量。
有一種陪伴係子女自己喺一邊玩，父母喺一邊做自己事。呢種陪伴已經可以畀到小朋友一定嘅安全感。
一個疲倦暴躁嘅媽媽點會培養到一個獨立有自信嘅小朋友呢？一個為咗陪伴子女而覺得頭痛嘅爸爸點會畀到子女真正嘅安全感呢？所以話陪伴嘅前提一定係心緒平和、誠心誠意，如果唔係陪伴就會變成一種錯誤嘅教育。
{adv here}
同子女一齊玩可以令佢哋感受到自己嘅重要性，唔會因為冇人關愛而變得性格孤僻、難以溝通；子女可以透過溝通明白到更多道理，增進親子感情。
同子女互相陪伴可以令佢哋有自我玩耍同埋獨立思考嘅時間，有更多自我發展空間。同時父母嘅自己生活質素都有一定保證，唔會因為陪伴子女而完全耽誤咗自我提升嘅空間。
以上兩種陪伴方式缺一不可，需要父母自己去衡量同埋分配，給予子女真正高質素嘅陪伴。喺咁樣嘅環境下，子女嘅性格先唔會有缺失，變得更加獨立自信。
資料來源：壹讀
