好多人都認為， BB肚餓就會喊，所以喊嘅時候就要餵奶。但實際上BB喊唔一定係肚餓，肚餓又唔一定會喊。
{adv here}
{adv here}
BB「餓的訊號」
BB肚餓最初嘅訊號係伸脷、舔嘴唇或者不停開合自己個嘴。喺肚餓嘅最初期， BB嘅身體通常唔會有太大動作，所以呢啲微細嘅面部動作通常會被人忽略。
如果呢個時候仲未有人餵BB，佢就會開始郁動，舔自己隻手，呢啲係BB嘅口慾？非也。如果係未夠一個月大嘅初生BB主動舔手，通常會係肚餓而唔係口慾。
假設到咗呢個時候都仲未餵BB，佢就會開始煩躁不安，開始郁手郁腳、抱起佢嗰陣佢會不斷喺你懷中磨擦、頭部喺你胸口左右搖擺，動作會較大。當BB喊嘅時候已經係最後一個肚餓嘅訊號。BB已經超級肚餓，咁佢仲點會願意去嘗試練習埋身餵？而且埋身餵嘅奶陣仲係間竭性出現，BB喺呢個時候又點會有耐性去等奶陣？
{adv here}
仲有一個常見問題：我好仔細咁觀察過BB，佢真係一啲肚餓嘅訊號都冇，郁都唔郁一直瞓覺，我應唔應該叫佢起身食奶？
如果係未夠一個月大嘅初生BB，而媽媽係按BB嘅需求埋身嘅話，盡量日頭每兩至三個鐘叫醒BB起身埋身食奶、半夜可以拉長到四個鐘一次。
除非你BB嘅體重增長良好，每日尿量都有超過六片重重嘅尿片，你先可以開始按照BB嘅作息餵奶，否則追緊奶量嘅媽媽就最好密密餵奶。滿月前埋身食人奶嘅BB好快就肚餓，甚至未夠一個鐘就要餵都係好正常。
資料來源：華人健康網