懷孕真係會令女性老得快啲？好多姊妹經常被人誤會，以為生過小朋友嘅細妹係家姐，因為妹妹比年長嘅姐姐更顯老。
台灣婦產科醫生尹長生近日喺社交平台發文表示，其實懷孕對媽媽嘅身體係一個壓力，心血管壓力會增加40%，其他器官嘅工作量都會增加3-5成，體重會大幅增加，同時身體亦會有糖尿病傾向。其實從懷孕開始身體生理就承受緊壓力，生產後體態同皮膚都會有所改變，究竟懷孕會唔會令女性變老呢？雖然到目前為止，未有直接嘅硏究證實，但係最近有一項硏究發現，生育確實會令女性少11年嘅壽命。
{adv here}
尹醫生指出，以細胞染色體尾端（telomere）嘅長度嚟判斷壽命長短係最準確。最新嘅外國研究發現，生產過嘅婦女嘅染色體末端（telomere）會變短大約4.2%，相等於大約11年壽命。生育後染色體嘅縮短程度，比起肥胖同糖尿病影響嘅程度更大，得出嘅結論係「女性懷孕危險程度甚至超過肥胖與糖尿病」，呢個結果令人非常驚訝。
當然呢個只係一個初步研究，媽媽們並唔需要太過擔心，研究人員認為，目前冇必要因為過度恐慌而放棄再懷孕，畢竟母親嘅神聖任務自古以嚟就係一種無私嘅犧牲奉獻，而且女性嘅平均壽命都比男性長。
{adv here}
不過，尹醫生表示，雖然懷孕對媽媽嘅健康會有一定嘅負面影響，但係一個美滿幸福家庭係人類社會最重要嘅條件。期待將來科技進步，可能有一日可以改變呢個情況。
資料來源：三立新聞網