雖然順產時嘅十級痛令好多準媽媽卻步，但無可否認，順產的確對胎兒同媽媽都有好處，所以好多孕婦仍然會「硬住頭皮」選擇自然分娩。到底點做先可以令分娩過程順利啲？臨近分娩時行樓梯係咪真係對順產有幫助呢？
{adv here}
到咗懷孕後期，胎兒發育基本上已經相當成熟，孕婦嘅體重亦都上升得比較快，行動開始冇咁自如。如果呢個時候選擇行樓梯，好容易對準媽媽嘅脊柱造成太大壓力，亦都不利於膝關節健康。因為上落樓梯時對身體嘅衝擊力會比較大，會令孕婦出現腰酸背痛嘅現象，再加上重心容易不穩，萬一叉錯腳跌到後果會非常嚴重。而且孕婦行樓梯時，需要扶著個肚，身體向前傾，無形中會對胎兒造成好大壓力，引起胎兒不適。
其實以下2個方法更有效！
1) 牆面滑行
背靠牆站立，然後將兩腿分開，與肩膊一樣寬，背部緊貼牆壁，向下慢慢滑行，一直滑行到坐姿，保持住這個姿勢大約20秒，然後再慢慢站立，重複做這個動作。呢個動作有助於產婦將盆骨打開，順產時會比較順利。但要注意，做呢個動作嘅時候身邊要有人陪同，防止意外發生。
{adv here}
2) 盤腿坐
想順產過程順利啲，可以喺懷孕後期經常盤腿坐。將背部和腰部挺直，然後將雙腳腳板合埋，腳踭儘量往後拉。呢個動作可以有效鍛煉盆骨嘅柔韌度，仲有助於促進準媽媽下肢嘅血液循環，對於順產十分有利。
資料來源：每日頭條
