好多父母對於寶寶放屁都會不以為然，其實當中嘅學問有好多，包括氣味同聲響，都係喺日常生活中容易被忽略。 到底寶寶嘅屁隱藏著咩健康密碼呢？

{adv here}

3種屁，3種健康提示

放屁係一種正常嘅生理現象，其實好多時寶寶放屁都唔需要太大驚小怪，不過以下3種屁就不容忽視：

1) 連續的響屁
寶寶放嘅屁聲音好響，而且斷斷續續，無味，肚仔仲會發出咕嚕咕嚕聲，有可能係因為寶寶腸胃已經排空，需要進食，亦有可能係餵奶方法有問題，媽媽應該注意以下兩個情況：

i) 媽媽只給寶寶吮吸前奶
有啲母乳媽媽覺得前奶較稀，容易消化，所以只會餵寶寶食前奶。其實，母乳嘅前半段同後半段嘅成分唔一樣，前半段乳汁嘅蛋白質同乳糖含量較高，後半部分乳汁嘅脂肪含量較高，如果只餵前奶乳汁，蛋白質同乳糖會好快進入腸道，腸道內嘅細菌將未完全消化嘅蛋白質同乳糖分解就會產生過多氣體。

ii) 餵奶過程吸入過多空氣
如果寶寶飲母乳時沒有正確含接，僅僅含住母親嘅乳頭，而非大部分乳暈，或者餵奶姿勢唔正確，都有可能吸入較多空氣。用奶樽餵食嘅寶寶，如果奶樽傾斜度唔夠，奶液未填滿奶嘴，都會令寶寶吸入過多空氣。另外，寶寶進食時扭計，邊食邊喊，空氣都會隨著乳汁進入胃部。

2) 多屁多糞便
呢個情況一般發生喺寶寶加固之後，有一段時間寶寶會經常放屁，便便嘅次數亦都較多，多數係因為最近攝入太多澱粉含量高嘅食物，呢個時候就需要調整一下寶寶嘅日常飲食，減少澱粉質嘅攝入，增加含脂肪同蛋白質嘅食物。

另外，有可能係寶寶進食過多，無法將食物完全消化，或者腸道病毒、細菌感染，腸道內菌群失調等等，令寶寶嘅大便次數增加，同臭屁混合，大便稀薄或帶黏液和血液。

{adv here}

3) 臭屁
俗語有云「響屁不臭，臭屁不響」，如果寶寶放臭屁，多數係消化出咗問題，有可能係奶粉開得太稠，寶寶未能及時消化，就會造成放屁。想解決問題可以調整奶粉份量，畀寶寶飲多啲水，餵一啲較稀嘅食物，基本上可以改善。

如果寶寶出現又多又臭嘅屁，但冇其他不適，家長可以咁做：未開始加固嘅寶寶，飲完奶後必須正確掃風排氣；對於已加固嘅寶寶，應該減少脂肪、蛋白質嘅攝入；亦都可以順時針輕輕按摩寶寶嘅肚仔，幫助寶寶將屁放出來。

資料來源：聊城新聞網