傳統認為，坐月期間應該補充大量補品先可以恢復體力，但進食太多高熱量食物，不但攝取唔到所需嘅營養，仲會影響消化功能引起便秘、水腫、產後肥胖等問題。
產後進補 少食多餐原則
要遠離產後肥胖，建議產婦坐月期間，飲食以清淡為主，避免辛辣熱氣、油炸食物，並採取「少食多餐」嘅方式，可以避免產婦一次過食太多造成脹氣、消化不良嘅情況。
消除水腫 避免生冷食物
傳統民間流傳，坐月飲水會造成身體水腫。其實呢個觀念係錯誤，子宮恢復後水腫就會自然消失，同飲唔飲水冇關係。如果產婦因為唔敢飲水，水分攝取太少嘅話，好有可能會導致泌尿系統發生感染或結石。
產婦坐月期間，要避免飲用冰冷嘅水，因為凍水會造成腸胃寒冷、刺激腸胃吸收，造成消化不良，而寒涼食物容易導致瘀血滯留，引致產後腹痛、惡露不清等症狀。所以坐月時要遠離，凍飲、低溫、生冷食物。
豆類食物 可利尿去水腫
坐月期間，可以多食豆類食物。對於產婦來講，豆類係非常有益嘅坐月食物，例如紅豆有催奶功效、黑豆可以利尿、去水腫，對於產後調理身體同埋修身都有好大幫助，經濟又實惠。
坐月小貼士
坐月期間，應該均衡攝取各種營養素，先可以幫助產後快速恢復。如果產婦有餵母乳，就更需要加強蛋白質嘅攝取，多食用含有豐富蛋白質嘅食物，好似魚、肉類、豆類、蛋、奶類，豬腳、花生、鯽魚等食物，都有助增加乳汁分泌。另外，建議每日多飲暖水，對於乳汁分泌有一定嘅幫助。
資料來源：ETtoday
