俗語有云「三歲定八十」，聽落雖然有啲誇張，但不無道理。現代家庭中，各種不孝行為，虐待父母事件時有發生，到底係咪真係有人天生不孝呢？好多時子女小時候嘅某啲行為，如果父母唔及時糾正，小朋友長大後就會變得不孝。
{adv here}
行為一：自私自利，不懂得分享
一直以來家長們都會教育小朋友要慷慨大方，樂於分享，養成助人為樂嘅好性格，好脾氣。但由於現代家庭嘅子女人數變少，父母過份嬌寵，導致小朋友變得自私霸道，唔會同人分享，亦都唔會為別人著想，包括自己嘅爸爸媽媽。無論係咩場合，一唔高興就會發脾氣，呢種自私自利，只顧自己嘅人，你可以寄望佢將來孝順父母？
行為二：沒有良心，不懂得感恩
有啲父母過份保護小朋友，事無大小都會幫佢哋做晒，小朋友過著衣來伸手飯來張口嘅日子。等到小朋友長大後，父母想依靠返佢哋嘅時候就會發現，咁大個人都仲要求父母幫佢斟茶遞水，完全唔會孝順父母，父母老咗就不聞不問，只顧自己生活，變得冇良心，唔識得感恩。
{adv here}
行為三：沒有承擔，不懂得責任
正所謂「知錯能改，善莫大焉」，每個人都會犯錯，重點係要知錯能改，但有啲小朋友做錯事死都唔肯認，唔改過，甚至將責任推卸畀其他人，然而有啲父母仍然會盲目咁維護小朋友，長此落去，小朋友只會變得冇責任心，冇承擔，連小小嘅錯誤都唔敢承認，而且唔會顧及別人感受，呢種小朋友長大後根本擔唔起照顧爸母嘅責任。
資料來源：阿波羅新聞網
