點解越來越多早產嬰兒？專家總結咗早產3大原因：母體因素、子宮因素同胎兒因素。
母體因素當中嘅羊膜感染係最常見嘅原因之一，佔全部早產嬰兒嘅一半。羊膜係包圍著胚胎嘅三層膜中最入面嘅一層，一旦受感染就好有可能造成羊膜早破而導致早產。
{adv here}
{adv here}
孕婦全身感染，例如感冒等呼吸道感染、腹瀉等腸道感染有可能波及到羊膜，從而引起羊膜感染。另外，婦科感染，例如陰道炎、宮頸炎、盆腔炎等嘅病菌有機會轉移到羊膜。妊娠高血壓都係造成早產嘅常見原因。如果妊娠高血壓去到難以控制嘅地步，一般醫生會建議終止懷孕。
近年，多胞胎出生率上升同濫用排卵藥物有關。有數據顯示，服用排卵藥物孕婦嘅早產率高達40%~50%。
孕婦嘅心理壓力越大，早產率就越高，緊張、焦慮、抑鬱同早產都有密切關係。
造成早產嘅母體因素仲包括嚴重貧血、營養不良、懷孕後期勞累、吸毒等，另外雙角子宮、子宮畸形、子宮肌瘤、子宮內膜炎、前置胎盤、胎盤早剝、臍帶過短、臍帶扭轉、臍帶打結、羊水過多等子宮、胎盤、臍帶因素都不容忽視。胎兒因素包括多胞胎，胎兒畸形都容易引致早產。
{adv here}
孕婦如何預防早產？
1) 避免勞累刺激
懷孕後期最好避免長途旅行，同埋去人多擁擠嘅地方，以免碰撞到腹部，不要長時間站立或跪下。
2) 關注自己健康
如果孕婦患有心臟病、腎病、糖尿病、高血壓等病症，應積極配合醫生嘅治療。有妊娠高血壓、雙胞胎或多胎懷孕、前置胎盤、羊水過多等情況嘅孕婦要特別小心，一旦發現異常，要儘早就醫。
3) 防止羊水過多
羊水過多容易導致子宮張力過大而引起早產。孕婦需要多啲臥床休息，懷孕中後期時將過多嘅羊水抽出，減少羊水量以免造成準媽媽長期呼吸困難，甚至引起胎兒宮內缺氧早產等。
4) 後期禁性生活
懷孕到達32周後切記禁止性生活，有效防止感染婦科炎症，避免腹壓過大或刺激而引起宮縮，導致早產。
資料來源：壹讀
