妊娠糖尿病係妊娠併發症入面最常見嘅一種病，發病率非常高，病情變化亦都好快，係懷孕媽媽唔可以忽視嘅一種病。到底邊啲準媽媽容易患上妊娠糖尿病呢？又有乜嘢預防方法？
{adv here}
{adv here}
容易患上妊娠糖尿病嘅準媽媽
1. 年紀越大，有妊娠糖尿病嘅風險就越高。
2. 肥胖嘅準媽媽脂肪多，亦都好容易中招。
3. 如果家族有人患有糖尿病嘅話，好有可能會有妊娠糖尿病。
準媽媽可以點樣預防?
1. 懷孕期糖尿病檢查
懷孕媽媽喺預防妊娠糖尿病方面，除咗要控制懷孕期飲食之外，仲要遵從醫生嘅指示做懷孕期嘅糖尿病篩查。喺媽媽懷孕24至28周嘅時候，一定要去醫院做糖尿病檢查，避免懷孕期風險，越早發現可以越早治療。
2. 攝取粗糧
準媽媽應該多食纖維含量高嘅粗糧食物，好似糙米、五穀等，同埋新鮮嘅蔬菜水果都要儘量食多啲。
{adv here}
3. 要適量攝取蛋白質
喺懷孕期間，除咗要控制脂肪同埋糖分嘅攝取之外，懷孕媽媽仲要適量補充蛋白質，可以食多啲豆製品、增加植物蛋白質。嫌麻煩嘅準媽媽，可以選擇飲用媽媽奶粉，每日飲2杯，補充足夠嘅鈣質營養。
4. 清淡飲食
預防糖尿病最基本嘅就係要少糖分嘅飲食。懷孕期間，各位準媽媽應該要控制脂肪同埋糖份嘅攝取量，要儘量避免食用有植物油同動物脂肪嘅食物，煎炸嘢都唔可以成日食。懷孕媽媽嘅飲食應該要以清淡為主，多啲用蒸、煮、燉等等嘅烹調方式，同埋選擇低糖或者無糖分添加嘅食物。
資料來源：壹讀
