小朋友唔聽話，完全唔講道理，鬧佢唔聽，連打都唔怕，爸媽們仲可以點樣教呢？大家可以參考吓以下4個方法。
1) 成為小朋友最好嘅朋友，耐心傾聽佢哋嘅心底話，好多時小朋友「搗亂」、犯錯，係因為佢嘅心理需求冇辦法得到滿足，甚至因為父母行為不當而引起。父母要耐心傾聽，搵出行為背後隱藏嘅心理需求，然後適當地滿足呢啲需求。小朋友得到父母嘅理解，感受到自己嘅尊嚴同價值，自然唔會處處同父母對著幹。
{adv here}
2) 放棄打打鬧鬧，同小朋友平等溝通，好多時小朋友嘅行為爸媽總係覺得唔順眼，咁並唔代表小朋友一定係錯，而係父母抱住不切實際嘅期待同要求，當小朋友達唔到呢啲要求，就會用打罵嘅方式企圖令小朋友服從自己。其實要令小朋友真正信服父母，就應該遵從佢哋嘅意願，尊重小朋友，以平等嘅態度同佢哋溝通。
3) 畀小朋友自由空間，允許犯錯，人人都會有犯錯嘅時候，何況係小朋友。好多父母一旦發現小朋友出錯就立即訓斥，唔畀機會佢哋犯錯，但就連畀小朋友嘗試嘅機會都抹殺埋。父母應該給予小朋友足夠嘅空間去犯錯，令佢哋從中吸取教訓，先可以保證下一次唔會再犯同樣嘅錯。當然，如果小朋友嘅行為危害到自身或者其他人嘅安全，父母就要立即制止。
{adv here}
4) 同小朋友多啲交流，發掘小朋友嘅長處。父母要同小朋友傾多啲偈，了解佢哋嘅心理需求。當小朋友感到失意低落需要人安慰時，父母要話畀小朋友知佢哋嘅優點，只要佢哋發現到自己嘅長處，小朋友就會搵到最好嘅自己。
資料來源：Q博士