產後脫髮的原因
1) 激素變化
懷孕期間孕婦體內激素會有非常大嘅變化，尤其係雌激素量增加，會令孕婦嘅頭髮壽命變得特別長。寶寶出世後，體內嘅雌激素會開始減少，原本壽命長嘅頭髮就會一下子脫落，但新頭髮又冇咁快生返出來，造成短期內青黃不接嘅情況。
2) 精神和營養
產後進入脫髮期時，如果精神上壓力大，脫髮問題就會更嚴重。
{adv here}
另外，有好多產婦擔心坐月後體重會增加而節食或者揀飲擇食，而哺乳期產婦所需嘅營養會比平時多，如果再加上食欲不振、消化不良或者吸收差，導致產婦缺乏蛋白質、維他命、礦物質同微量元素，就有可能影響頭髮嘅正常生長同代謝而造成脫髮。
如何避免產後脫髮？
1) 合理膳食，多補充蛋白質
頭髮嘅主要營養來源就係蛋白質。所以，媽媽們喺飲食方面，需要均衡攝取各種營養之餘，仲要特別注意補充含富豐蛋白質嘅食物，例如：牛奶、雞蛋、魚、瘦肉、核桃、葵花子、芝麻、紫米等。忌食辛辣刺激性食物，同埋要注意唔好進補過度。
2) 心情舒暢
產前產後容易精神緊張，照顧小寶寶嘅過程中，媽媽又容易過度疲勞，仲會擔心寶寶出現各種問題，心情無法放鬆，導致植物性神經功能紊亂，影響頭皮血液供應，造成頭髮營養不良，都係脫髮嘅原因之一。所以，媽媽們要儘量保持心情舒暢，應該安排適當時間畀自己休息，要有充足睡眠，需要時搵家人幫忙照顧寶寶。
3) 避免電、染、吹
無論咩季節，經常吹頭都會破壞毛髮組織，損害頭皮，吹頭時風筒應該離頭髮30厘米左右，並儘量減低風嘅溫度。電髮、染髮劑對頭髮都有一定嘅影響。
4) 用指腹按摩頭皮
建議媽媽們洗頭時要避免用力，應該用手指頭輕輕按摩頭皮，以促進頭髮生長以及腦部血液循環。每日用木梳梳頭100下都可以達到按摩效果。
{adv here}
治療產後脫髮湯水推介
龍眼人參燉瘦肉食譜
材料：龍眼肉20克，黨參、杞子各15克，黑豆20克，瘦肉150克。
做法：先將豬肉冼凈切塊，龍眼肉、枸杞子、黑豆洗凈，黨參浸潤後切薄片，全部用料共放燉盅內，加水適量，以小火隔水燉至肉熟，調味後即可食用。每日1劑。
功效：大補元氣、養血生髮，非常適合產後氣血虧虛而引起脫髮者食用。
資料來源：99健康網