雖然現今家庭經濟條件普遍比以前好，但為咗節儉，環保，唔浪費，好多家長都會將用過嘅嬰兒物品送畀朋友，或者上網買嬰兒二手物品。但為咗寶寶健康著想，以下4樣物品唔建議用二手。
{adv here}
1) 寶寶直接用嘴接觸的物品
直接用嘴接觸嘅物品包括奶樽，奶嘴，牙膠，水杯，餐具等，一定要買新。入口嘅物品即使消毒清潔後，都有可能有細菌殘留，威脅寶寶嘅健康安全。尤其係塑膠、矽膠產品，時間長咗經過風吹日曬，材料會發生變化，而肉眼往往睇唔出呢啲變化。
2) 鞋
有啲品質好嘅舊衫可以畀寶寶著，但二手鞋就唔可以。因為每個寶寶行路嘅方式都唔同，鞋嘅磨損程度都會唔一樣。當寶寶著二手鞋，不但唔舒服，仲會影響足部正常發育。
3) 貼身衣物
寶寶嘅外套可以著二手，但貼身內衣就唔可以。因為貼身內衣同寶寶嘅皮膚直接接觸，舊內衣經過多次清潔洗滌後可能已經變形，亦都有可能沾染細菌，令寶寶出現皮膚過敏嘅情況，影響寶寶健康。
{adv here}
4) 清潔護理用品
每個寶寶嘅膚質都唔一樣，唔同牌子嘅清潔護理用品，成分都會有差別，未必每個寶寶都適合使用，盲目使用有可能對寶寶造成傷害。
除此之外，舊枕頭、毛公仔最容易隱藏大量蟎蟲、細菌等，較難清洗，亦都無法徹底消毒。初生寶寶免疫力較低，使用後容易發生過敏、皮膚痕癢，感冒等問題，為寶寶嘅健康帶來隱患。
資料來源：iFuun
