一般來講，學齡前嘅小朋友每日至少要瞓10個鐘，小學生都要有9至10個鐘嘅睡眠時間。小朋友夜瞓，第二朝就會起唔到身或者出現睡眠不足嘅情況，對小朋友生長發育有一定影響。小朋友夜瞓嘅問題，以下4招可以幫你解決。
{adv here}
{adv here}
1. 臨瞓前一個鐘唔好俾小朋友大腦太興奮。小朋友本身好動，所以喺小朋友瞓覺前一個鐘就應該令小朋友盡量安靜落嚟，唔好俾佢哋玩一啲令大腦興奮嘅遊戲，例如捉迷藏，可以改成講故事，俾小朋友聽下柔和嘅音樂。咁樣就可以令小朋友平靜落嚟，快啲進入睡眠。小朋友日頭都要控制好時間唔可以瞓太耐。
2. 好多小朋友都有瞓晏覺嘅習慣，瞓醒就已經要食晚飯，夜晚瞓覺時間自然會縮短。一般來講，小朋友嘅瞓晏覺時間要控制喺一至兩個鐘，如果唔係就會導致日頭瞓覺夜晚瞓唔著嘅惡性循環。
3. 小朋友瞓覺係需要全家人配合。好多家長平時都習慣夜瞓，爸媽夜晚唔瞓覺，或者講嘢太大聲都會畀小朋友一種「未到瞓覺時間」嘅錯覺。所以，爸媽想小朋友早啲瞓就應該熄電視，將屋企嘅燈光校暗，咁樣都可以潛意識畀暗示小朋友係時候要瞓覺。
{adv here}
4. 有啲小朋友一日到黑都好調皮，夜晚仲會特別扭計。如果小朋友身體冇唔舒服，好有可以係屬於「情緒性哭鬧」，希望媽媽安慰自己。呢個情況下，媽媽可以暫時唔理會小朋友，坐喺一邊觀察7至10分鐘，再睇吓小朋友有咩反應。通常小朋友都會意識到就算自己點喊都冇人理自己，就自然會走去瞓覺。只要堅持落去， 小朋友唔肯瞓覺嘅情況就會大大改善。
資料來源：壹讀
