想小朋友「贏在起跑線」相信係好多父母嘅心願，而坊間亦有唔少幫助小朋友啟發智能嘅課程，但成效係點就見仁見智。
其實，與其花盡心思，花費大量金錢去上堂，不如直接從小培養小朋友良好嘅習慣，又可以達到啟發嘅效果，仲可以一世受用。日本大腦科學專家篠原菊紀喺著作《日本腦科學家傾囊相授，用遊戲提升幼兒腦力及專注力！》就介紹咗五個小朋友應該養成嘅習慣：
{adv here}
{adv here}
1. 做適量運動
科學家已經證實運動可以幫助小朋友變得聰明。運動可以訓練大腦功能，達到強化記憶力嘅效果，所以記得除咗帶小朋友去公園玩之外，仲要培養小朋友喺運動方面嘅興趣。
2. 做事要認真
好多研究已經發現，當一個人用心做事同埋做複雜嘅事情，大腦嘅活化程度會比做事唔認真同埋做緊簡單事情嘅時候高，所以應該要培養小朋友，無論做咩事情都要俾心機去完成，而且唔可以逃避做複雜同麻煩嘅事情。
3. 多啲笑、多啲同人相處
根據好多實驗研究發現，面對面同人溝通嘅時候，大腦嘅活化程度高於用手機同人溝通嘅時候，所以要比小朋友從小參加多啲團體活動，可以有多啲機會同人面對面溝通。
另外，大笑或者引人笑嘅時候一樣可以活化大腦，而見到人哋開心笑都可以刺激大腦活化。
{adv here}
4. 均衡攝取營養
由於大腦有一半係脂肪，所以唔可以話脂肪係100%有害物質，應該均衡攝取魚類、肉類同埋植物性脂肪酸。蛋白質可以幫助增強記憶力，而蛋白質多數來自蛋、豆、魚、肉類。簡單來講，各種食物都要均衡攝取。
5. 一定要食早餐
因為葡萄糖係大腦唯一嘅能量來源，而常見早餐食物，例如麵包、牛奶、水果、雞蛋都含有葡萄糖，而且有研究證實唔食早餐對身體有害，所以務必要令小朋友養成每日食早餐嘅習慣。
資料來源：早安健康
