好多家長都抱怨，就算同子女點樣講道理同埋威迫利誘，佢哋都依然會駁嘴唱反調，到底點樣溝通先可以令佢哋軟化同埋受教呢？
{adv here}
{adv here}
1. 家長切勿其中一個固定做醜人或者好人
子女會認為扮好人嗰一方「撐自己」，醜人嘅態度就會令子女反抗得更厲害，造成爸爸同媽媽之間搞到唔開心甚至對立。家長遇到教育意見有分歧嘅時候，應該一齊溝通而且尊重對方，協調出最適合大家嘅一致原則。
2. 子女想得到大人嘅尊重
尊重子女嘅感受好重要，家長要同理子女嘅情緒，例如：「我知道啱啱唔畀你睇電視你好嬲」、「媽咪知道你依家好唔開心，你喊完我哋再慢慢傾」，咁樣可以令子女知道佢哋嘅感受父母係理解嘅，即使父母冇滿足到佢哋嘅要求，都未至於會造成情緒失控。
3. 太多命令式語句，子女覺得被控制
子女暴走其實背後有原因。好多時子女內心已經有獨立意識，教導佢哋嘅過程如果用命令、或者手中棍嘅方式好容易適得其反。建議家長首先將命令語句改成詢問語句，例如：「可唔可以幫我手執枱？」而唔係「執枱！」
{adv here}
4. 家長同子女一同尋找最適合嘅溝通方式
家長唔應該自己單方面訂立規矩，需要雙方溝通討論出內容同埋將規矩寫出嚟，令佢哋清楚自己曾經應承過邊啲要遵守嘅事情。
5. 情緒失控時，冇人可以即刻冷靜返
大人嬲嘅時候都會失控，更何況小朋友呢？子女扭計時，家長自己都好容易情緒失控，呢個狀態下係冇辦法溝通，建議先同佢哋暫時隔離，等冷靜3分鐘後再處理同佢哋之間嘅衝突，除咗話畀佢哋知邊度唔啱同埋可以應該點做，家長如果喺過程中有錯誤都應該向小朋友道歉。
資料來源：ETtoday
