相信好多剛生完寶寶嘅新媽媽都會遇到一個尷尬問題…就係產後便秘。產婦產後會因為有傷口而唔敢用力，箇中嘅痛苦真係苦不堪言。如果便秘情況長期冇改善，體內嘅毒素無法排出嘅話，會影響產後身體恢復，甚至誘發疾病，影響寶寶嘅健康。所以，媽媽們必須做好預防工作。
{adv here}
以下5招可以幫你輕鬆預防產後便秘：
1) 飲食均衡，不要胡亂進補
很多新媽媽坐月時都會餐餐大魚大肉，但專家指出，高蛋白飲食容易造成產婦便秘，仲有可能令母乳缺乏某啲嬰兒生長發育必需嘅微量元素同維他命。所以除咗雞、肉、魚、蛋等食物外，產婦都應該進食蔬菜、水果、粗糧及豆類食品，從而均衡身體所需營養。
2) 補充益生菌
產後便秘其中一個原因係胃腸功能減低，蠕動緩慢，導致腸內容物停留太耐，水分被過度吸收。而長期服用益生菌可以幫助調理腸道菌群平衡，產生有機酸，降低腸道PH值，抑制壞菌生長，調整腸道菌群，有效改善便秘情況。
{adv here}
3) 多吃含膳食纖維的食物
如果產後飲食缺乏纖維素，食物殘渣減少就容易導致便秘。從食物中補充膳食纖維，可以增加糞便容量，刺激結腸，增強動力。含豐富膳食纖維嘅食物包括麥麩或糙米、蒟蒻、粗糧等。
4) 多補水
分娩同母乳分泌都會消耗媽媽們體內大量水分，飲水就係防止產後便秘嘅重要一環，建議每日飲用1500ml以上嘅水，令腸道保持足夠水分。媽媽們亦可以早餐前半小時飲一杯暖嘅蜂蜜水，可以潤滑腸道，令消化液得到足夠分泌，刺激腸胃蠕動，防止因為缺水導致便秘。
5) 多運動
如果坐月時一整天喺床上休息冇活動，會令新陳代謝減慢，腸胃蠕動減少。如果係自然分娩，6-8小時後產婦就可以坐起身，進行一啲翻身活動，轉換多種睡姿或坐姿，亦都可以輕輕按摩下腹部。第二日可以落床喺室內來回走動一下，但不宜疲勞，要避免長時間下蹲、站立。
資料來源：健康數說
