父母應該點樣先可以避免反叛期嘅青少年子女行差踏錯呢？反叛傾向其實喺子女長大成為青少年之前就開始形成。 如果小朋友成長嘅每一個階段，父母都可以令佢地意識到錯誤行為一定會帶來唔好嘅後果，咁當佢哋長大成為青少年，就自然會考慮清楚自己嘅行為會造成咩後果。 以下有一啲建議可以畀大家參考。
{adv here}
1) 向子女表達無條件嘅接納。 只要佢哋明白呢一點，即使將來發生衝突，佢哋仍然會走近你，而唔係遠離你。
2) 喺適當時候，逐漸放手畀子女擁有自主權， 但要做到呢一點並唔容易。繩綁得太緊會令子女產生怨恨，太鬆又有可能導致佢哋受到挫折，缺乏安全感同信任感。
3) 溝通 ，溝通，再溝通。 喺成長嘅每一個階段溝通都係最關鍵。 小朋友感覺到父母願意聆聽同理解佢哋，長大後就冇咁容易做出反叛行為。
{adv here}
4) 持續同子女進行親子活動。 發掘你同子女嘅共同興趣，然後一齊去享受過程。 例如同囝囝一齊打藍球，同囡囡一齊整蛋糕等。
5) 管教要做到一致同明智，並堅持到底。 當你講過某啲行為會帶來懲罰，就一定要履行。 小朋友試過超越你嘅底線，受過教訓後就會領略到當中嘅智慧，會獲益良多。
資料來源：雪花新聞
