現今社會越嚟越多雙職家庭嘅子女都會交畀家人或者保母照顧。喺俄羅斯西北部阿爾漢格爾斯克（Архангельская о́бласть）有一位保母，因為兩歲男少主瘋狂扭計唔肯食飯，竟然將半包鹽（約50g）加入男童嘅午餐，結果男童鹽中毒死亡。
{adv here}
{adv here}
根據《Риа Новсти》報導，25歲亞娜（Yana Deinesh）自己育有兩名小朋友，估唔到佢幫忙照顧僱主兩歲兒子嘅時候，就因為男童扭計唔肯食午餐，亞娜一時火遮眼，將半包鹽到入男童嘅午餐，並且多次用腰帶毆打，希望男童可以安靜落嚟，但係過咗一陣男童感到嘔心之後就失去知覺。
亞娜唯有報警，救護員抵達嘅時候嘗試搶救男童，但最後送到醫院已經不治，主診醫生表示：「死因係因為鹽中毒，一般成年人一日最多攝取約6g鹽分，但男童攝取多達50g鹽分，幼童根本承受唔到呢個份量。」
{adv here}
檢方開庭時，亞娜表示後悔，自己冇諗過鹽都會導致男童死亡。「我對我自己冇思考過嘅行為感到相當自責」亞娜亦全部認罪，法官最後判佢謀殺罪成，判處14年有期徒刑。
資料來源：ETtoday
