大部分女性都有一個煩惱，就係需唔需要戴胸圍瞓覺呢？一部分女生為咗保持完美胸型，會選擇戴睡眠胸圍瞓覺。一部分女生又認為日頭戴住已經好辛苦，夜晚就選擇唔戴胸圍瞓覺，畀胸部透吓氣。咁究竟應該戴定唔戴呢？
戴鐵線胸圍瞓覺易引發乳腺癌？
其實鐵線胸圍，最多都只會因為壓逼而令到血液循環變差，唔會跨張到壓抑到淋巴線而引發乳癌。
{adv here}
舊年有一項研究明確指出，冇證據可以證實患乳癌風險同胸圍大小、類型或者穿著嘅頻率有關。無論女性每日戴幾耐胸圍，胸圍有冇鐵線，或者由幾歲開始戴胸圍，都唔會影響患乳癌嘅風險。
戴胸圍瞓覺會令胸型更靚？
做運動時，為咗避免胸部上下搖晃，戴胸圍的確有防止地心吸力嘅作用，但瞓覺時戴胸圍，係唔會有效防止下垂問題同改善胸型。
{adv here}
要注意嘅係，胸部較大，或者隆過胸嘅女生就建議戴胸圍瞓覺，可以預防乳房下垂同胸部外擴，保持胸型。可以選擇睡眠胸圍或者有內置胸圍嘅睡衣，冇咗鐵線嘅束縛會比較舒服。
可以著功能內衣瞓覺嗎？
唔建議，因為胸部係肌肉，需要放鬆休息，瞓覺就係畀胸部休息嘅最好時機，胸部矯形都係留番喺日頭做比較好。
資料來源：熱新聞
