Posted on Leave a comment
PT話題

父親缺席對小朋友影響深遠?爸爸湊小朋友的4個好處

 

媽媽以女性特有嘅感情細膩、做事認真仔細、性格溫柔去影響小朋友,但小朋友嘅教育單單靠媽媽係唔足夠。心理學研究顯示,缺乏男性教育往往會令小朋友表現出多愁善感、性格懦弱、膽小怕事以及性格孤僻、自卑等特點。

{adv here}

爸爸湊小朋友的4個好處

1. 心理學家指出,小朋友12歲前,往往會將爸爸當成自己偶像。小朋友會覺得爸爸總係咩問題都可以解決到,所以有爸爸陪伴嘅小朋友往往會比較見多識廣、遇到困難會表現得更堅強。

2. 男孩係爸爸嘅小情敵,而女孩就係爸爸嘅小情人。男孩子喺爸爸身上可以學習點樣做個男人之餘,亦會學識點樣同另一個男人競爭。有咗爸爸嘅陪伴,男孩子會更加有冒險、探索嘅精神,擁有更多勇氣同自信。而女孩子就可以從爸爸身上學習點樣同異性相處,了解異性,享受異性嘅愛同陪伴。有研究指出,女孩子長大後擇偶都會以父親為標準。爸爸嘅陪伴,會令女孩子變得更溫柔、善良、優雅。

{adv here}

3. 大部分爸爸湊小朋友都係用「放養式」,而爸爸嘅寬容會帶畀小朋友更多嘗試嘅機會,小朋友會變得更獨立。

4. 爸爸們一般都比較有幽默感,而有幽默感嘅小朋友,會表現得更樂觀、包容、自信,應對挫折嘅能力會更強。

{adv here}

雖然爸爸湊小朋友有咁多好處,遺憾嘅係,家庭教育中都偏向以母親為主導。大家都可能發現到,現今嘅小男孩越嚟越唔似男人,小女孩越嚟越唔似女孩,其實都係小朋友缺乏男性教育而導致嘅。心理學家弗洛姆曾經講過:父親是教育孩子、向孩子指出通往世界之路的人。所以爸爸們,從今日起,要花多啲時間陪伴小朋友。

資料來源:雪花新聞

標籤:
發佈回覆

你的電郵地址並不會被公開。 必要欄位標記為 *