女人默默為家庭付出，但有啲男人會認為呢種付出係理所當然，而賺錢先係最辛苦。寶寶出世後，你老公有冇對你講過以下幾句說話呢？
1)「你都係喺屋企湊仔啫，好攰咩？」
湊小朋友同教小朋友都係非常辛苦，特別係啱啱出世嘅寶寶，喊就要抱，餓就要餵奶，由朝忙到黑，攰到腰酸背痛。但係老公返到屋企，你喺佢面前呻兩句就被反駁，換嚟一句令人心淡嘅說話！換轉係佢自己，湊一日已經頂唔順。
{adv here}
2)「嗰個我阿媽嚟㗎，你就吓佢啦」
婆媳關係出問題，男人唔應該一味責怪妻子，你阿媽辛苦，你老婆就唔辛苦咩？出現呢種情況，應該多啲聽聽老婆訴苦，安慰吓佢。
3)「我邊識湊啫」
當你有事想行開吓，叫老公幫手湊小朋友，而佢畀呢句說話你聽，係幾咁難受，邊個一生出嚟就識湊仔？
4)「你唔好日哦夜哦啦，好煩呀，成日發脾氣！」
女人自從生咗寶寶，日日湊小朋友，社交又少咗，日日同小朋友喺屋企困獸鬥，老公一返到嚟，整亂晒你打掃得乾淨整齊嘅房間，話佢幾句，佢就好唔耐煩咁反駁你，呢一刻真係萬般委屈。
{adv here}
5)「我日日返工搵錢咁辛苦，返到屋企休息吓都唔得咩？」
老公返到屋企，就淨係對住部電腦打機，完全冇幫手照顧小朋友，你想佢分擔吓，佢竟然對你講呢句說話，將你嘅心情推到落谷底。
每個家庭都有一本難念的經，自從有咗小朋友，生活都開始慢慢改變，每個家庭都存在辛酸同幸福，應該互相體諒包容一下對方，夫妻關係先會長久。
資料來源：愛讀網
