好多父母都認為飲果汁好處多多，甚至每日都會榨一杯果汁俾小朋友飲，究竟呢個觀念係咪正確呢？
無可否認，食水果對人體真係有好處，水果裡面含有豐富嘅維他命C、抗氧化成份、纖維等，可以提供足夠營養，亦都有助排便順暢。但是除咗營養之外，水果裡面都含有好高嘅糖分，小朋友食用太多糖分高嘅食物，容易導致體重增加及蛀牙。
{adv here}
根據英國一項調查顯示，八分之一嘅幼兒喺三歲前就出現蛀牙，有醫學專家指出，兒童蛀牙問題其實同果汁有好大關係。
水果榨成汁後，小朋友攝入嘅糖分會比食水果更多，一杯果汁就等同兩份水果嘅水分，自然糖分都會吸收多一倍。
有啲父母會選擇有機水果榨汁畀寶寶飲，其實有機果汁嘅糖含量比一般果汁仲要高。所以水果都係直接畀小朋友食用比較好。
{adv here}
雖然幼兒嘅乳齒到咗一定年紀時，就會自然脫落再生出新牙，但蛀牙會影響小朋友嘅日常生活，而且佢哋長大成人後，會更容易出現牙周病等口腔問題。醫生建議，三歲前嘅兒童，除咗水同牛奶之外，儘量避免飲用含糖飲料或果汁，如果一定要飲，亦只可以飲一小杯，而且要快速飲完，減少糖分對牙齒嘅損害。
總結：食水果比飲果汁更有益，媽媽們要每日叮囑小朋友早晚刷牙，保持牙齒清潔，避免小小年紀就要承受蛀牙嘅痛苦！
資料來源：ETtoday
