上星期日 (5月20日) 一名8個月大中法混血男嬰喺尖沙咀某豪宅會所，因學行車意外失去平衡翻側，男嬰跌入一個水深只有一呎嘅水池遇溺命危。
好多媽媽因為太忙，都會選擇將寶寶放喺學行車，慳水慳力又可以畀寶寶學行。但你又知唔知，如果經常使用或者使用不當，分分鐘害咗寶寶。今次為大家盤點一下學行車六宗罪。
{adv here}
罪行一：令寶寶行路習慣依賴
學行車會令嬰兒失去了獨立練習爬、站、彎腰、行走等鍛煉嘅機會，缺乏自主鍛煉，會令寶寶變得特別依賴器械，造成能力『退化』。
罪行二：令寶寶骨骼畸形
學行車嘅滑動速度較快，嬰兒使用時，需要用雙腳用力撐住地下，呢個時候寶寶嘅骨骼仲係好柔軟，長此落去，會令腿部骨骼變形，變成O型腳或者X型腳，同埋扁平足。
罪行三：寶寶會趷高腳行路
如果嬰兒雙腳未夠長，無法完全著地，就需要用腳尖點嚟滑行，咁樣會令小朋友養成趷高腳行路嘅壞習慣，一旦離開學行車，行路時會經常跌倒。
罪行四：可怕的意外事故
嬰兒原本不擅移動，不知危險，而學行車會賦予嬰兒快速移動嘅能力，有可能無意中將寶寶處於險境，容易造成意外發生，包括夾傷手指、擦傷、劃傷、燙傷等。
{adv here}
罪行五：寶寶性格變古怪
如果寶寶長時間坐喺學行車，會錯過1歲前嘅爬行學習期，有可能導致感覺系統失調症，寶寶會變得任性、暴躁，溝通能力差。
罪行六：影響孩子智力發育
寶寶係透過接觸、抓握、敲敲打打等動作去學習，學行車會限制寶寶自由活動，影響智力發育。
資料來源：NOWnews
