有啲孕婦牙痛都唔敢睇牙醫，擔心會影響寶寶健康，結果寶寶出世後因為牙周病太過嚴重，搞到要剝牙。牙醫表示，如果孕婦患有牙周病，細菌有可能透過血液影響腹中胎兒發育，嚴重可以造成胎兒早產。
{adv here}
由於孕婦體內賀爾蒙嘅劇烈變化，令原本就有牙周病嘅準媽媽口腔內嘅厭氧菌增加，牙周病會急速惡化，出現「妊娠牙周病」症狀，牙肉會紅腫、疼痛、流血，仲會容易發炎感染。
媽媽牙痛會影響食慾，有可能導致營養攝取不足，不單止會影響腹中胎兒發育，如果孕婦免疫力低，一旦受到細菌感染，仲有可能引起早產風險。所以準媽媽任由牙周病惡化，忍痛等到生完先睇牙醫呢個做法絕對唔正確。
{adv here}
牙醫建議計劃懷孕嘅婦女，懷孕前就應該進行詳細口腔檢查，針對原本嘅蛀牙、牙周病進行治療。萬一懷孕期間出現牙痛情況，都應該先搵牙醫進行檢查，千祈唔好自己亂食止痛藥。孕婦除咗平時做好口腔牙齒清潔，仲要定期洗牙，保護自己同寶寶嘅健康。
資料來源：元氣網
