好多媽媽都有強迫症，一見到小朋友有耳垢就會即刻動手幫佢清理，原來咁做係大錯特錯！

家長們首先要明白，其實耳垢係會自動排出。一般情況下，小朋友嘅耳垢係唔需要人工清除，因為耳垢會喺小朋友說話、食飯、打喊露時，隨著下顎運動，借助皮膚上汗毛嘅推動，自動被排出。

{adv here}

耳垢對小朋友的益處

1) 清潔耳道
耳垢可以粘附進入外耳道嘅灰塵，以及局部皮膚代謝產生嘅細胞脫落，起到清潔耳道嘅作用。

2) 耳垢能殺菌
耳垢可以驅逐飛入耳內嘅小蟲，防止細菌入侵。而且耳垢含有豐富脂肪酸，喺耳道皮膚表面形成一層酸膜，令外耳道處於酸性環境，具有輕度殺菌作用。

3) 耳垢能保護耳膜
小朋友嘅鼓膜非常薄同嬌嫩，一旦遇上猛烈聲波直衝耳道，損害鼓膜，嚴重甚至會造成破裂導致失聰。而耳垢可以保護鼓膜，起到屏障作用。

{adv here}

經常幫小朋友挖耳垢的危害

1) 除咗令小朋友失去耳垢對耳仔嘅有效保護，仲會容易受細菌、噪音嘅侵襲，同埋會導致小朋友外耳道嘅皮膚受傷，挖耳時如果耳垢堅硬或者較多，容易將皮膚刮傷，細菌就會趁機進入傷口導致發炎。經常來回刮，亦有可能將細菌擠入毛囊或皮脂腺管，引起炎症，嚴重嘅話會造成外耳道癤腫。

2) 如果挖耳時唔小心，有可能會刺傷鼓膜。幫小朋友挖耳時，如果佢突然掙扎或者因為外耳道受到刺激而出現咳嗽反射，就有更大機會發生意外。

資料來源：雪花新聞