偏頭痛唔係大人嘅專利！小朋友都有可能出現「偏頭痛」現象。醫學界發現偏頭痛會遺傳，如果父母一方有偏頭痛，子女有高達四成以上機會有偏頭痛；如果父母都有偏頭痛，小朋友患有偏頭痛嘅機率會增加到六成以上。根據外國統計，兒童偏頭痛嘅發生率，7歲前約1.4%，15歲前有5.3%。
{adv here}
醫生指出，雖然發生喺兒童身上嘅頭痛都係叫「偏頭痛」，但症狀並唔會侷限於一側，疼痛往往兩側同時發生，脈搏跳一下痛一次，發作時會出現噁心、嘔吐、怕光、怕嘈等症狀。
偏頭痛好多時會喺青少年期發作，大約90%患者第一次發作都喺40歲前，女性嘅發生率高於男性，高達九成患者有家族病史，發病原因有好多，包括壓力、氣候、睡眠、荷爾蒙變化，甚至有啲食物例如乳製品、朱古力、香腸、熱狗、火腿以及各式紅茶、奶茶等含咖啡因飲品都容易引發，因為當中嘅咖啡因、酪胺酸等成分，有可能造成腦部血管收縮膨脹不穩定。另外，太餓、太飽或者身體極度疲勞都有可能引起偏頭痛。
{adv here}
兒童偏頭痛大部分都屬於良性，發作時間通常比大人短，持續2~72小時。喺幼稚園同小學階段，患者以男生居多，但到咗中學，就以女性患者為主。
患者可以透過調整飲食、充足睡眠、多做運動改善頭痛症狀，較嚴重者可以服用藥物舒緩，但一旦出現更嚴重嘅症狀，例如瞓到一半痛醒、朝早起身劇痛嘔吐、持續一段時間越來越痛，甚至精神、言行舉止出現異常等警號，應該立即就醫檢查。
資料來源：NOWnews
