家長們都會發現，寶寶喺某一個時期變得越來越細膽，見到陌生人就會不停喊，拒絕畀外人抱。寶寶嘅行為意味住佢已經進入咗「認人期」，亦都係寶寶最缺乏安全感嘅階段。呢個時期嘅寶寶情緒波動會比較大，更加需要父母嘅陪伴同照顧。
{adv here}
由於0~8個月大嘅寶寶仲未有熟悉同陌生嘅概念，所以即使有陌生人接近都唔會有抗拒嘅表現。到咗8~12月大，寶寶對身邊嘅人開始有印象，佢會對照顧者表示自己嘅依賴，見到熟悉嘅人會微笑，而對於唔係經常見面嘅叔叔姨姨會感到害怕。家長應該引導寶寶去信任其他人，同埋幫助佢舒發情緒。
給寶寶安全感
寶寶認人一般都同「害怕」有關，父母同身邊嘅家人要為寶寶提供一個溫馨嘅家庭環境。對於寶寶嘅突然哭鬧，媽媽要有耐性，切勿發脾氣，保持態度溫和，唔好忽冷忽熱。呢種安全感可以減輕寶寶接觸陌生人時嘅戒備同緊張心理。
{adv here}
帶寶寶走出家門
儘量畀寶寶逐步接觸唔同嘅人，多啲接觸外面嘅世界。但媽媽要注意，培養寶寶嘅膽量要循序漸進，唔可以操之過急，一下子將寶寶交畀陌生人抱，會令寶寶心理造成恐懼。
資料來源：找話題
