小朋友好奇心強的好處

1) 對小朋友的創意思維發展起重要作用
好奇心係小朋友創意思維嘅原動力。因為好奇所以小朋友會去證實同思索，喺思索中小朋友開始想像，而創意思維就喺想像中不斷咁發展。

2) 鍛鍊獨立思考問題的能力
小朋友好奇心重，經常動腦筋去思考，養成獨立思考問題嘅能力。

{adv here}

3) 增強人際關係
美國有研究發現，對身邊嘅人同周圍嘅事物好奇，可以令社交生活更加豐富。共同興趣愛好可以拉近人與人之間嘅距離，增加社交機會。充滿好奇心嘅人，往往更加有生活情趣，不但善於聆聽，而且十分健談。

4) 提升幸福感
有研究發現，好奇心會令人更加坦然接受挑戰。好奇心強嘅人，無論面對順境逆境，都能夠搵到生活嘅意義同樂趣。

如何培養小朋友的好奇心?

1) 引導為主
經常帶小朋友到戶外活動，面對新鮮事物時，爸爸媽媽可以展示出自己嘅好奇心，對想引起小朋友關注嘅事物發起話題，激發起佢嘅興趣同探索慾望。

{adv here}

2) 清晰回答小朋友的提問
對於小朋友提出嘅問題，爸爸媽媽應該先了解小朋友嘅想法，然後根據佢嘅理解同年齡，提供一個清晰簡單嘅答案。如果大人都唔知道答案，可以直接講唔知道，或者可以同小朋友一齊去尋求答案，令佢哋明白唔係所有問題都有答案，大人亦都唔係咩問題都識答，最好嘅方法就係畀小朋友自己去尋找答案，鼓勵佢不斷探索。

3) 稍作變通，讓小朋友盡情探索
有時，寶寶嘅「探索」方式係具有一定嘅「破壞性」。爸媽可以透過適當嘅引導，既可以保護寶寶嘅好奇心，又可以將「探索」活動嘅破壞性降到最低。例如，如果寶寶想將杯入面嘅水周圍倒，倒落床或者地板上……的確會令人好頭痛，但如果換個地方，帶寶寶到浴室，畀佢倒入沖涼盆就唔需要花時間去清理。

資料來源：壹讀