當女性月經來潮，如果身體出現以下3種癥狀，代表子宮或者卵巢出咗問題，應該及時進行治療，否則有可能對生育造成影響。
{adv here}
1) 月經量出現異常
一般而言，女性月經量正常範圍係20~80毫升，每日更換衛生巾3~5次屬於正常；如果女性月經量少於20毫升就屬於異常情況，有可能係由於氣虛、壓力大、流產、口服避孕丸等各種原因引起，最終會影響到排卵，導致成功受孕機率下降。如果月經出血量超過80毫升，有可能係由於婦科炎症、內分泌失調等引起，情況持續有可能導致失眠、心悸、貧血等各種不適，亦都會影響生育能力。
2) 月經顏色不正常
月經嘅成分主要係血液，當血液內部鐵離子氧化之後顏色會變成暗紅色。如果月經顏色呈黑色或者粉紅色，有可能係宮寒或者氣虛等導致，對受精卵著床可能會造成影響，最終導致難以受孕。
{adv here}
3) 持續痛經
痛經一般可以分為兩種，第一種係原發性，一般喺下腹部表現最為明顯，同時會出現乏力、頭暈或者頭痛等現象，主要同平時嘅生活方式以及飲食習慣有莫大關係，一般通過改善就可以恢復；另一種係繼發性，一般都會同時出現婦科炎症，疼痛感非常強烈。呢類經痛原因主要係多次人工流產、避孕方式唔適合或者子宮頸管過於狹窄等導致，對於正常生育會帶來好大影響。
資料來源：Q博士
