自律能力決定一生
有一項著名心理學研究，研究者向一班4歲小朋友派發蘋果，每人派一個，如果小朋友可以忍著唔食呢個蘋果，佢哋就可以得到另一個蘋果作為獎勵。結果只有部分小朋友可以忍著唔食。
若干年後，研究者對呢班已經長大咗嘅小朋友進行追蹤調查，發現可以忍著唔食蘋果嘅小朋友，無論喺工作還是其他方面都更有成績，EQ亦都較高。
{adv here}
如何培養小朋友的自律能力？
1) 學會自己承擔責任
小朋友嘅責任心係可以塑造嘅。如果父母事無大小都一手包辦，事事為小朋友作主，小朋友就會養成冇責任心嘅壞習慣。父母應該從日常生活嘅點點滴滴開始令小朋友學會承擔責任。例如小朋友做完功課要自己整理書枱，食完飯要幫忙收拾碗筷，小朋友習慣咗自然就會培養出責任心。
家長亦都可以畀小朋友承受一下不負責任嘅後果，小朋友受到懲罰後就會提高警惕，往後處事自然唔會馬馬虎虎、草率了事。
2) 養成遵守規則的習慣
父母可以設立一系列嘅規則，係管教好小朋友嘅一個重要開端。喺執行過程中，家庭成員要儘可能行為一致，保持公正性。家長唔應該接受心情差、天氣差等理由成為破壞規則嘅藉口。如果小朋友破壞規則嘅原因確實情有可原，父母可以靈活處理，但並不代表妥協或者接受小朋友嘅行為。
{adv here}
3) 養成做事有條理嘅習慣
首先，小朋友要學識安排自己嘅時間，家長可以協助小朋友製作一個時間表；其次，畀小朋友打理自己嘅生活物品。一個做事冇條理、冇規劃嘅小朋友，往往喺通往成功道路上都會比其他人行得辛苦。所以父母應該培養小朋友養成做事有條理嘅習慣。開始實行嘅時候，可能小朋友只能夠完成時間表嘅一部分，家長應該多啲鼓勵小朋友，令佢有信心堅持落去。只要樹立咗呢種意識，小朋友做起事上來就會井井有條，唔會一遇到困難就手忙腳亂。
資料來源： 大紀元
